"سۋدىڭ تاريفتەرىنىڭ ارزاندىعى بويىنشا الماتى قالاسى 5 ورىندا"، - دەدى بولات سامبەتوۆ.

بۇگىن الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا قازاقستان رەسپۋبليكاسى ۇلتتىق ەكونوميكا مينيسترلىگى تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ الماتى قالاسى بويىنشا دەپارتامەنتىنىڭ «قازاقستان رەسپۋبليكاسى ۇلتتىق ەكونوميكا مينيسترلىگى تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ الماتى قالاسى بويىنشا دەپارتامەنتىنىڭ 2017 جىلدا اتقارىلعان جۇمىسىنىڭ ناتيجەلەرى جانە 2018 جىلعا ارنالعان جوسپارلارى» تاقىرىبىندا بريفينگ وتكىزىلدى. 

ءىس-شاراعا تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ الماتى قالاسى بويىنشا دەپارتامەنتىنىڭ باسشىسى بولات قۋانىشبەك ۇلى، شيكىزات، ماتەريالدار، ەلەكتر ەنەرگياسىنىڭ جانە باسقا دا شىعىنداردىڭ باعالارىنىڭ وسۋىنە قاراماستان، سۋمەن جابدىقتاۋ جانە سۋ بۇرۋ قىزمەتتەرىنە تاريفتەر 4 جىلدان استام ۋاقىت بويى كوتەرىلمەدى. قازاقستاننىڭ باسقا اۋماقتارىمەن سالىستىرعاندا الماتىدا تاريفتەر ەڭ تومەنگىلەردىڭ قاتارىندا. الماتى سۋمەن جابدىقتاۋ بويىنشا ارزاندىعى جاعىنان 5 ورىندا، سۋ بۇرۋ بويىنشا 3 ورىندا،-دەيدى ول. 

«الماتى سۋ» مكك بىرنەشە رەت تاريفتەردى كوتەرۋگە وتىنىممەن جۇگىنگەن. ءبىرىنشى رەت، 2016 جىلدا سۋمەن جابدىقتاۋ بويىنشا 42%-عا جانە سۋ بۇرۋ بويىنشا 54%-عا وسىممەن. بۇدان كەيىن، 2017 جىلدىڭ جەلتوقسان ايىندا، 2018 جىلدىڭ قاڭتار جانە ناۋرىز ايلارىندا سۋمەن جابدىقتاۋعا 21%-عا جانە سۋ بۇرۋ بويىنشا 45%-عا ءوسۋ وتىنىمدەرىمەن جۇگىنگەن بولاتىن. جوعارىدا كورسەتىلگەن بارلىق جاعدايدا دەپارتامەنتپەن جاسالعان تالداۋدىڭ ناتيجەسىندە ۇيىمنىڭ ىشكى رەزەرۆتەرى انىقتالدى. سوعان بايلانىستى، 2018 جىلدا سۋمەن جابدىقتاۋ جانە سۋ بۇرۋ قىزمەتتەرىنە تاريفتەر وسپەيدى،-دەپ ايتىپ ءوتتى بولات سامبەتوۆ ءوز سوزىندە.